سرائیکی کوں سرکاری تے قومی زبان دا درجہ ڈتا ونڄے
ساݙے قومی حقوق
سئیں جسٹس ایس جواد خواجہ سئیں!
سرائیکی کوں عدالتی زبان ٻݨیدے ہویاں سرائیکی زبان وچ فیصلہ تحریر کرو۔
٢۔ تعلیمی پالسی ݙو ھزار نو دے مطابق علاقائی زباناں لازمی مضمون ہوسن تے ذریعہ تعلیم وی ہوسن۔ سرائیکی بارے عمل کرتے سرائیکی کوں سکولاں کالجاں وچ لازمی کیتا ونڄے تے ذریعہ تعلیم تے ذریعہ امتحان بݨاؤ۔ سرائیکی یونیورسٹی برائے صحت انجینئرنگ ساںئس تے فن ٻݨاؤ۔
٣ـ پاکستان دے ہر سرکاری تے نجی ٹی وی چینل تے سرائیکی، سندھی، پشتو ، پنجابی،بلوچی تے اردو کوں ہر روز چار چار گھنٹے ݙتے ونڄن۔
٤۔ نادرا سندھی وچ وی شناختی کارڈ جاری کریندے، سرائیکی وچ وی قومی شناختی کارڈ جاری کرے۔
٥۔ سی ایس ایس سمیت سارے مقابلے دے امتحاناں وچ سرائیکی لازمی آپشنل کیتی ونڄے تے سرائیکی میڈیم امتحانات وی کرائے ونڄن۔
٦۔ سارے وفاقی تے صوبائی محکمیاں تے دفتراں وچ خط و کتابت سرائیکی وچ کیتی ونڄے تے سارے فارم سرائیکی وچ وی چھاپے ونڄن۔